Frogatuta dago tratamenduaren atxikidura eta inhalagailuen erabilera-teknika hobetzeak asma edo EPOCa duten pazienteen osasun-egoera hobetzen duela eta etorkizuneko konplikazioak saihestu ditzakeela.
Zerbitzu honek asma edo EPOCa duten pazienteen tratamenduaren atxikidura eta inhalagailuen erabilera-teknika ebaluatzen ditu. Beharrezkoa balitz, pazientea osasun zentrora bideratuko litzateke.
Zerbitzu hau Eusko Jaurlaritzako Osasun Sailaren Farmazia Zuzendaritzak finantzatzen du.
Pazienteari egokitutako sendagaiak prestatzeko aukera ematen du zerbitzu honek: Merkatuan aurkezpen egokiak ez daudenean edo dosia, forma farmazeutikoa edo osagai batzuk egokitu behar direnean.
Gure farmazian formula magistralak eta prestakin ofizinalak prestatzen ditugu edo formula hauen prestaketa kudeatzen dugu, paziente bakoitzaren behar berezietara egokituz. Kalitate-, segurtasun- eta trazabilitate-irizpideak jarraitzen ditugu, eta prestaketa bakoitzak indarrean dagoen araudia (175/2001 Errege Dekretua) betetzen du.
Tratamenduaren jarraipena eta sendagaien erabileraren segurtasuna errazten duen zerbitzua da hau. Adinagatik, tratamendu konplexuagatik edo gaitasun-galeragatik tratamendua behar bezala jarraitu ezin duten pazienteei zuzendua dago.
Gure farmazian asteko dosi pertsonalizatuen sistemak (SPD) prestatzen eta kontrolatzen ditugu. Sendagaiak medikuaren jarraibideen arabera antolatzen ditugu, erabilera egokia bermatuz eta akatsak edo ahazturak saihestuz. Horretarako, Medical Dispenser kargatze semiautomatikoaren bidez prestatzen ditugu pastilleroak.
Prozesu osoa farmazialariaren gainbegiradapean egiten da, kalitate- eta trazabilitate-protokoloak betez.
Zerbitzu hau Donostiako Udalak finantzatzen du, Donostiako Etxez Etxeko Laguntza Zerbitzuko erabiltzaileentzat.
Farmazia Zentinelen Sarea zaintza-sistema bat da, eta farmazia komunitarioaren eguneroko jardunean medikamentuen segurtasuna gainbegiratzen du. Farmakozaintzarako sendagaien kontrako erreakzioen susmoak detektatzea eta jakinaraztea da haren funtzio nagusia. Gure farmazia sare honen parte da.
• CARDISIO. Kardisiografiak bihotzaren 3D azterketa osoa egiten du, erritmoan, egituran eta odol-fluxuan egon daitezkeen alterazioak aztertuz. Frogan zehar bihotzaren 90.000 parametro baino gehiago jasotzen dira. Emakumeentzat algoritmo bat duen gailu bakarra da. Proba egiteko, gorputzaren goiko aldean 5 elektrodo jartzen dira eta bihotzaren jarduera 4 minutuz erregistratzen da, atseden egoeran.
• TENTSIO ARTERIALA – FARMAHTA. FarmaHTA programak azken ebidentzia zientifikoetan oinarritutako tentsio arterialaren neurketa prozedura homogeneoa, zehatza eta kalitate estandarretara egokitua eskaintzen du.
Zerbitzu honek aste 1-2ren epean tentsio arterialaren azterketa egiteko aukera ematen du, eta beharrezkoa izanez gero, osasun zentrora joateko txosten bat prestatzen da.
• KOLESTEROLA, HDL, LDL, TRIGLIZERIDOAK. COBAS gailuarekin.
• GLUKOSA. Glukometroarekin.
• HEMOGLOBINA GLIKOSILATUA. COBAS gailuarekin.
▪ AZIDO URIKOA. Multiplex gailuarekin.
• PISUA ETA ALTUERA.
▪ GERNU TRAKTUAREN INFEKZIOAK (GTI). Sintomak dituzten emakumeetan GTIak detektatzea da zerbitzu honen helburua. Gernu-tira bat egiten da eta beharrezkoa izanez gero, pazientea osasun zentrora bideratzen da.
▪ GIB/SIFILISA. Biztanleek GIB eta sifilisaren test azkarrak modu errazean egiteko aukera ematen duen zerbitzua. Zerbitzu hau Eusko Jaurlaritzako Osasun Sailaren Farmazia Zuzendaritzak finantzatzen du.
▪ METADONA. Farmaziak metadonaren mantentze-programan parte hartzen du. Zerbitzu hau Eusko Jaurlaritzako Osasun Sailaren Farmazia Zuzendaritzak finantzatzen du.
▪ FARMAZIA KARDIOBABESTUEN SAREA. Gipuzkoako Farmazia Kardiobabestuen Sareak lurraldean bihotz-biriketako geldialdi-egoeren aurrean berehalako erantzuna emateko gaitasuna indartzea du helburu. Horretarako, farmazia hauetan desfibriladore semiautomatikoak instalatu dira eta langileek larrialdi mota horiek artatzeko prestakuntza jaso dute.
Gure farmazia sare honen parte da.
Hiruhiletik behin aurpegiko edota ileko analisi-zerbitzua eskaintzen dugu Microcaya gailuaren bidez.
Aurpegiko analisian azalen hidratazio-maila, gantza, pigmentazioa, elastikotasuna eta egitura-kalteak aztertzen dira. Paziente bakoitzaren beharretara egokitutako azal-zaintza errutina gomendatzen dugu.
Ile-analisian berriz, ilearen diametroa, dentsitatea eta ilearen eta buruko azalen egoera aztertzen dira. Paziente bakoitzaren beharretara egokitutako ile-zaintza errutina gomendatzen dugu.
Arrazola Farmazian dermofarmaziako produktu katalogo zabala dugu. La Roche Posay, CeraVe, Isdin eta Dercos marka ezagunekin lan egiten dugu. Gure marka liderrak Isdinceutics, Caudalie eta SkinCeuticals dira.
Ane Otaegui Arrazola Farmaziako nutrizio-atala 2025eko urriaren 23an baimendu du Eusko Jaurlaritzako osasun sailak.
SENDAGAIAK ETA INGURUMENA
Planeta zaintzera anima zaitez!
Arrazola Botikan material ortopediko eta ortoprotesikoa jasotzen dugu bere errerabiltze zuzenerako, Anputatuen Elkarte Nazionalaren Protesi Bankuarekin lankidetzan (ANDADE).